تلفظ ’’کاف‘‘ اردو حروفِ تہجَی کا اتنالیسواں (بشمول بائیہ الفاظ) ، عربی کا بائیسواں اور فارسی کا پچیسواں حرف (جو صحیح مصمت ہے) ، کلمے کے شروع میں بھی آتا ہے اور درمیان و آخر میں بھی حساب جُمل میں اس کے بیس عدد فرض کیے گئے ہیں . ھ ، کے ساتھ مخلوط ہو کر ایک علیحدہ صوتی حرف ’’کھ‘‘ شمار کیا جاتا ہے ، جس کی تقطیع اس لغت میں ک ، کے بعد واقع ہوئی ہے ، حروف قمری میں سے ہے ، الفاظ کے آخر میں بطور علامت تصغیر و تحقیر بھی مستعمل ہے (بقاعدۂ فارسی) جیسے : طفلک ، مردک اور بقاعدۂ اردو :
ک (کاف ہتیلی) اگر ہتیلی پھیلائی جائے تو انگلیاں انگوٹھے کے ساتھ مل کر بالکل ک کی صورت بن جاتی ہے .
(۱۹۱۴ ، اردو قواعد ، عبدالحق ، ۴۱) .
