ماش کی کھچڑی نکالی ، کچھ پتّے وغیرہ سلگا کر کھچڑی پکائی.
(۱۹۰۰، طلْسم خیال ، ۲: ۴۹).
کھچڑی ارہر یا کھڑی یا دَلی مسور یا مونگ یا ماش دھوئی دال کی ہو.
(۱۹۳۰، جامع الفنون، ۲: ۶۰).
اس نے طے کیا کہ ایسی حرکتیں کرو کہ بادشاہ سلامت ناراض ہو کر خود نکال دیں چناچہ پہلے اس نے یہ کےا کہ کھچڑی پکائی تو نمک ہنڈیا میں انڈیل دیا.
(۱۹۸۵، روشنیا، ۴۳۰).
۲. وہ سامان جو بچّے کی ولادت کے چَھٹے روز زچّہ و بچّہ کے لئے لڑکی کے میکے سے آتا ہے جس میں کھچڑی بھی شامل ہوتی ہے، رک: چَھٹی.
سُسرال سے اوس شاہ بلند اقبال کے سامان کھچڑی کا تجمل اور دھوم دھام سے . . . کئی سو ہودج زر فیلوں پر اور کجاوے مرصّع شتروں پر کھچْڑی سے بھرے ہوئے . . . لیکر آئے.
(۱۸۴۵، حکایت سخن سنج، ۹).
بجلوس شاہانہ نہایت تزک و احتشام بڑی دھوم دھام سے کھچڑی آئی.
(۱۸۹۰، فسانۂ دل فریب، ۳۱).
اف : آنا.
-
۳. مِلے جُلے سیاہ و سفید بال، تل چاولے بال.
اپ بھی ادھیڑ دو مویہ تھا جسے کھچڑی داڑھی کہتے ہیں.
(۱۸۳۸، بستان حکمت، ۴۱۹).
داڑھی کھچڑی ، یک مشت و دو انگشت ، آتے ہی قرأت کے ساتھ فرمایا.
(۱۸۹۴، پشّو ، ۵۴).
داڑھی کے کھچڑی سفید بالوں پر حنا کا سرخ رنگ ایسا غالب تھا کہ سیاہ بال بھی ملگجے سرخ معلوم ہوتے تھے.
(۱۹۴۶، آگ، ۲۳).
اس کے سر پر لمبے لمبے کھچڑی بال اور بھی بکھر گئے تھے.
(۱۹۸۷، سارے فسانے، ، ۱۱).
۴. سونا چاندی ملا ہوا، روپیے اور اشرفی مِلے جُلے.
بے نواؤں کے میتے اور ٹکڑ گداؤں کے چملے اشرفی اور روپیوں کی کھچڑی سے بھر دئے.
(۱۸۰۲، باغ و بہار، ۲۴۰).
بیٹی کی چھٹی میں سونے چاندی کی کھچڑی بھیجی تھی چاندی کے چاول سونے کی دال.
(۱۹۶۷، اُجڑا دیار ، ۳۵).
۵. درختوں میں پھول آنا ، بیری میں پھول آنا.
(فرہن٘گ آصفیہ ؛ نوراللغات).
۶. ہندوؤں کے ایک تہوار کا نام.
(فرہن٘گ آصفیہ ؛ نوراللغات).
۷. (عو) وہ بیعانہ جو کسی طوائف کو شادی وغیرہ میں ناچنے گانے اور کسی دوسری جگہ نہ جانے کا پابن بنانے کے لیے دیا جائے، ناچ کی سائی.
آج ہی کم بخت امّاں جان نے کانپور جانے کی ٹھہرا دی، ایسی شادی بھاڑ میں جائے، اے لو مجھ سے پوچھا بھی نہیں اور کھچڑی کا روپیہ بھی لے لیا، میں تو قیامت ہو جائے تو نہیں جانے کی.
(۱۹۲۳، دَور فلک، ۹۲).
۸. مختلف قسم کے محصول اور اخراجات.
(جامع اللغات ؛ نوراللغات).
۹. چیل جھپٹّے کے وہ چانٹے جو چیل بُننے والے یعنی رسّی پکڑ کر بیٹھنے والے لڑکے کے سب لڑکے مل کر بٹھاتے وقت مارتے ہیں ، رک : کھچڑی کھانا.
(نوراللغات ؛ جامع اللغات).
اہم اطلاع
اردو لغت بائیس ہزار صفحوں پر مشتمل ، دو لاکھ چونسٹھ ہزار الفاظ کا ذخیرہ ہے . اسے اردو زبان کے جیّد اساتذہ نے 52 سال کی عرق ریزی سے مرتب کیا ہے .
زیر نظر ویب سائٹ انسانی کاوش ہے لہذہ اغلاط کے امکانات سے مبرا نہيں ، آپ سے التماس ہے کہ اغلاط کی نشان دہی میں ہماری معاونت فرمائیں .
نشان دہی کے لیے ہماری ویب سائٹ پر رابطہ کے ان باکس میں اپنی رائے سے آگاہ کریں .