وے چیزیں وسیع تھیں اور منجمد تھیں یعنے وے چیزیں تین قدریں طول اور عرض اور عمق کی رکھتی تھیں ۔

(۱۸۴۱ ، مقاصد علوم ، ۳۲) ۔

پانی مثل بلور زیر قدم اور راست و چپ اور سر پر بلور کی طرح منجمد تھا ۔

(۱۸۷۷ ، طلسم گوہر بار ، ۱۷۳) ۔

شراب اور عقیق ، دونوں ایک ہی چیز ہیں ، فرق یہ ہے کہ ایک سیال عقیق ہے اور دوسری منجمد ۔

(۱۹۰۷ ، شعرالعجم ، ۱ : ۴۱) ۔

کوئی ایسا مادہ ابھر آیا جو اب خشک اور منجمد ہونے کے بعد شعاعوں کی صورت میں جھلکتا نظر آتا ہے ۔

(۱۹۵۱ ، سیر افلاک ، ۷۴) ۔

اس کی مسکراہٹ سخت اور منجمد دیواروں سے ٹکرا کے اسی کی طرف واپس لوٹ آتی ہے ۔

(۱۹۸۹ ، قصے تیرے فسانے میرے ، ۳۵۷) ۔

چین ، ہندوستان اور ساموآ میں معیار صدی بہ صدی منجمد ہوتے جاتے ہیں ۔

(۱۹۴۴ ، آدمی اور مشین ، ۳۸۰) ۔

انسان کا وجود ۔۔۔۔۔ ادب کے تخلیقی سوتوں کو منجمد ہو جانے سے بچائے رکھے گا ۔

(۱۹۹۴ ، ڈاکٹر فرمان فتح پوری ، حیات و خدمات ، ۳ : ۹۸) ۔

شہروں اور برسوں کے فاصلے ختم ہو کر ایک ہی نقطے میں منجمد ہوئے تھے ۔

(۱۹۸۹ ، مصروف عورت ، ۶۵) ۔

فرانس نے ۸۲ء میں اجرت و اشیاء کی قیمت کو چار ماہ کے لئے ان کے موجودہ معیار پر منجمد کر دیا تھا ۔

(۱۹۸۳ ، مکالماتِ سقراط ، ۲۰۶) ۔

آپ دفاعی بحٹ کو کم یا منجمد کر سکتے ہیں لیکن دشمن کے ارادوں کو کیسے برف میں تبدیل کر سکتے ہیں ۔

(۱۹۸۸ ، جنگ ، کراچی ، ۲۸ مئی ، ۳) ۔