خدا جانے کس نے سکھایا ہے تم کو

بہے بھول جانا ذرا یاد رکھنا

فرقت میں اوسکی دولتِ غم سے غنی ہوں میں

جو اشکِ چشم ہے سو ذرا آبدار ہے

نہ پوچھو مرنے والے دل کا احوال

خدا بخشے ذرا دیوانہ خو تھا

ولے شرم سوں نئیں دکھائی ذرا

نہ ظاہر کیتی کچ اونے موں پھرا

جبکہ ہوتا ہے دل مرا بیتاب

تو سنبھالا ذرا نہیں جاتا

ترے ستم کی تو پروا نہیں مگر ظالم

عدو کی بات ذرا میں نہیں اٹھانے کا

دل شگفتہ ہو ذرا بات کر اے غنچہ دہن

ہم بڑی دیر سے مشتاقِ سخن بیٹھے ہیں

غیر سے لے کے اجازت ، کبھی اے جانِ مراد

سوئے غم خانۂ عاشق بھی ذرا ہو جانا

دیکھو آنکھوں کو ذرا کیا حال ہے

اب نہ رلواؤ خدا کے واسطے

آزردہ دل تھے زندگئ سست رو سے ہم

آئے غزالِ شب تو طبیعت ذرا کُھلی

جفا کرتے ہیں وہ جس دم وفا کہتی ہے یہ مجھ سے

گرے تم میری نظروں سے اگر آنسو ذرا نکلے

کیسی ہے حسرتِ دیدِ رُخِ جاناں مج کو

دیکھ لینے دے ذرا دیدۂ حیراں مج کو

موت رخصت ہوئی وہ صبح کا تارا چمکا

اب سنبھلے دے ذرا اے شبِ ہجراں مجھ کو