خَبْط (فت خ ، سک ب) امذ  

صاحبزادے خدا خدا کرو ، خبط کی دوا کرو .

( ۱۸۶۶ ، جادۂ تسخیر ، ۶۳ )

یہ سوائے میرے خبط کے اور کچھ نہیں ہے .

( ۱۹۲۳ ، عصائے پیری ، ۲۰ )

خبط میں بھی مریض کے ذہن پر ہمیشہ ایک خیال مسلط رہتا ہے .

( ۱۹۶۹ ، نفسیات اور ہماری زندگی ، ۴۹۷ )

ملک سعید کی نیت میں فرق اور کاروبار میں خبط واقع . . . ہوگیا تھا .

( ۱۸۴۷ ، ابوالفدا (ترجمہ) ، ۲ : ۶۳۲ )

قصیہ مہلہ الجہات میں منطقیوں کو بہت خبط ہوا ہے .

( ۱۹۲۵ ، حکمۃ الامشراق ، ۴۸ )

اگر یہاں فاسق کے معنی کافر لئے جائیں تو مطلب ہی فوت ہوتا ہے بلکہ جملہ ہی خبط ہوجاتا ہے .

( ۱۸۷۰ ، آیات بینات ، ۱ : ۱۹ )

ننھے میاں کی ایک ہی چیخ سے سارا مضمون خبط ہو جاتا ہے .

( ۱۹۲۸ ، نکات رموزی ، ۲ : ۱۶۷ )

گنڈے تعویذ کا خبط ہم کو نہیں ہے .

( ۱۸۸۷ ، جام سرشار ، ۱۶۲ )

اسے میرا شوق سخن سمجھیے یا ایک طرح کا خبط .

( ۱۹۱۷ ، مکاتیب مہدی ، ۱۴ )

تحلیل نفسی کی حالت میں جب مریض کسی اہم خبط کو چھونے کے قریب ہوتا ہے تو وہ اس سے گریز کرتا ہے .

( ۱۹۶۰ ، مذہب تہذیب موت ، ۹۱ )