غزوۂ بنی مصطلق (۵ھ) سے آپ ﷺ واپس آرہے تھے ، اُمُّ المومنین حضرت عائشہ ؓ ساتھ تھیں مدینے کے قریب جب قافلہ پہنچا تو اتفاقاً امُّ المومنین کا ہار کہیں گر گیا ۔

(۱۹۱۴ ، سیرۃ النبیؐ ، ۲ : ۱۰۷) ۔

ہار خواہ چاندی کا ہو یا سونے کا عورتوں کے لیے جائز اور مردوں کے لیے ناجائز ہے ۔

(۱۹۳۷ ، منشی محبوب عالم ، اسلامی سائیکلو پیڈیا ، ۲ : ۸۰۲) ۔

لان اور کوٹھی کے درمیان پورچ تھا جس میں موٹر آ کر رُک گئی ، برآمدے میں چار ملازم ہاتھوں میں ہار لیے باادب کھڑے تھے ۔۔۔۔۔ انھوں نے سلام کرنے کے بعد میرے اور اختر کے گلے میں ہار ڈالے ۔

(۱۹۹۳ ، افکار ، کراچی ، دسمبر ، ۲۲) ۔

وزیر نے اپنی جگہ پر دو زانو ہو کر جھک کر ہاتھ بڑھایا اور نواب کے ہاتھ سے ہار لے لیا ۔

(۲۰۰۶ ، کئی چاند تھے سر آسماں ، ۲۶۳) ۔

چھوٹی پتیوں (بریکٹ) سے باہم مل کر ہار بنتا ہے ۔

(۱۹۱۰ ، مبادی سائنس (ترجمہ) ، ۱۷۱) ۔