ہِندُوستانِیَت (کس ہ ، سک ن ،ضم د ، غم و ، سک س ، کس ن ، فت ی) امث  

ان کی اردو تحریر میں سادگی اور لطف بیان کے ساتھ ساتھ ہندوستانیت اور انگریزی اثر دونوں موجود ہیں ۔

(۱۸۶۱ ، خطبات گارساں دتاسی ، ۲۷۴) ۔

مادر وطن کے تمام فرزند ہندو ہوں یا مسلمان ۔۔۔۔۔ ان کی ہندوستانیت دنیا میں ممتاز و نمایاں ہو کر چمکے ۔

(۱۹۱۷ ، العصر ، پٹنہ ، ۲ : ۱۹۴) ۔

نئے تجربات لکھے جائیں ، نئی افادی حیثیت پیدا ہو جائے ، کوئی مضائقہ نہیں لیکن ہندوستانیت فنا نہ ہونی چاہیے ۔

(۱۹۴۹ ، اردو تنقید کا ارتقا ، ۲۸۴) ۔

فارسی الفاظ کی بہتات کی وجہ سے کلام میں ہندوستانیت کم ہو گئی ہے ۔

(۱۹۸۴ ، اردو مثنوی رامائن ، ۹۷) ۔

کانگریس ہندوستانیت کا ملبوس زیب تن کر لینے کے باوجود اپنی اس ہندوانہ ذہنیت کو نہیں چھپا سکی تھی مسلمان جس سے خوفزدہ تھے ۔

(۱۹۹۰ ، پاکستان کی خارجہ پالیسی ، ۴۲) ۔