مَسَلنا (فت م ، س ، سک ل) ف م  

حسینہ پھر اونگھ گئی اور عزیز نے چپکے سے اس کی کان کی لو مسل دی ۔

(۱۹۵۲ ، ہوائی ، ۱۳) ۔

جلتے ہوئے ٹوٹے کو ایش ٹرے میں بڑی بے دردی سے مسل مسل کے بجھانے کا مظاہرہ کرنے لگا ۔

(۱۹۹۸ ، کہانی مجھے لکھتی ہے ، ۱۸۱)

اے ہمارے پروردگار! شیطان اور آدمی جنہوں نے ہم کو گمراہ کیا تھا ایک نظر ان کو ہمیں بھی تو دکھاؤ تا کہ ہم ان کو اپنے پیروں تلے مسل ڈالیں ۔

(۱۸۹۵ ، قرآنِ مجید (ترجمہ) ، نذیراحمد ، ۲ : ۷۶۷)

تھانیدار نے رجسٹر بند کیا ، سگریٹ جوتے سے مسلی ۔

(۱۹۹۵ ، نگار ، کراچی ، ۷۹) ۔

نورالدہر نے گھوڑے کو رانوں میں مسلا کہ ہڈیاں ٹوٹ گئیں ۔

(۱۹۰۰ ، طلسم خیال سکندری ، ۲ : ۳۱۲)

کٹر دل کو مار ، ظالم غصہ کو مسل ، نخوت کو غارت اور خودبینی کو دُور کر ۔

(۱۹۱۹ ، جوہر قدامت ، ۶۳) ۔