یوسودا بازاری ، مبالغہ ایک رات کی یاری .

( ۱۶۳۵ ، سب رس ، ۲۲۸ )

دنیا داروں کی دوستی بازاری فالودے کی مثل ہے .

لیے جاتے ہیں دل سودے لگا کر ان کے بازاری تکلم پر ترحم پر تبسم پر تغافل پر

( ۱۷۸۴ ، میر حسن ، د ، ۴۲ )

صافی نے بغور دیکھ دل سے کہا ، یہ بازاری نہیں بیوپاری نہیں .

( ۱۸۶۲ ، شبستان سرور ، ۱ : ۴۶ )

گر یہی ہمت و بخشش ہے تو بازاری سے بدلے خرمہرہ کے محتاج نہ لے گا گوہر

( ۱۹۱۱ ، تسلیم ، امیر اللہ ، ک ، ۸ )

یہ رقم بعینہ بازاریوں یعنی عام لوگوں پر بھی لازم ہے .

( ۱۹۵۸ ، ہندوستان کے عہد وسطیٰ کی ایک جھلک ، ۷۱ )

مضامین کا مصنف ہونے کے سبب نالائق ، نامعقول اور بازاری کا خطاب دیا جاتا تھا .

( ۱۹۲۱ ، لڑائی کا گھر ، ۴ )

چھچھورے اور بازاری الفاظ و محاوارات . . . سے شیفتی اور غالب دونوں منتفر تھے .

( ۱۹۰۱ ، مقالات حالی ، ۱ : ۲۶۷ )

ہر ملک کی علمی زبان بازاری یا کاروباری زبان سے علیحدہ ہوتی ہے .

( ۱۹۲۴ ، مذاکرات نیاز ، ۱۳۳ )

ان کی بازاری قیمت فی صدی علی الترتیب حسب ذیل ہے .

( ۱۸۹۹ ، بست سالہ عہد حکومت ، ۳۹۰ )

مجھ کو افسوس ہوا کہ ایسے معزز پرچے کا سرمایہ معلومات تمام تر بازاری قصے تھے .

( ۱۹۱۴ ، شبلی ، مقالات ، ۵ : ۱۰۶ )

خانگیاں و بازاریاں . . . گھر والیوں کے مقابلے میں عزت و عظمت کچھ بھی نہیں رکھتی تھیں .

( ۱۹۱۷ ، تاریخ اخلاق یورپ ، ۱ : ۱۸۸ )