یہ ہر وقت کی نگرانی اب مجھے رات کو بھی آرام سے سونے نہیں دیتی ۔

(۱۹۸۹ ، مصروف عورت ، ۲۸) ۔

لیگ گورنمنٹ سے درخواست کرتی ہے کہ اوقاف بیجا طریقہ سے صرف ہورہے ہیں ان کی نگرانی کی تدبیر اختیار کی جائے ۔

(۱۹۱۲ ، مقالات شبلی ، ۸ : ۱۶۷) .

حضرت علیؓ کو جب آپ نے اہل بیت کی نگرانی کے لیے مدینہ میں چھوڑ کر تبوک جانا چاہا اور حضرت علیؓ نے ہمرکاب نہ ہونے پر ملال خاطر ظاہر کیا تو آپ نے ان کو تسلی دی ۔

(۱۹۲۳ ، سیرۃ النبیؐ ، ۳ : ۷۸۴) ۔

وہ نگرانی کے کام میں اس انہماک سے لگ گئے کہ ان کے ساتھیوں کو برا لگنے لگا ۔

(۱۹۵۸ ، خون جگر ہونے تک ، ۳۱۵) ۔

آنحضرت صلی اللہ علیہ وسلم کی حفاظت و نگرانی پر مامور حضرت محمد بن مسلمہ نے ان سب کو گرفتار کر لیا

(۱۹۷۲ ، معارف القرآن ، ۸ : ۶۰) ۔

کرنل سمتھ اس قلعے کی نگرانی پر مامور تھا ۔

(۱۹۹۰ ، اکابرین تحریک پاکستان ، ۳۷) ۔

ایک چھوڑ تین تین مدرسے میری نگرانی میں کام کر رہے ہیں ۔

(۱۹۲۰ ، بنت الوقت ، ۶۰) .

تعلیم کے انتظام اور نگرانی میں ہم لوگوں کو بھی شریک کیا جائے ۔

(۱۹۳۸ ، حالات سرسید ، ۲۹) ۔

اپنی نگرانی میں گاڑی صاف کرانے کے لیے وہیں کھڑا ہو گیا ۔

(۱۹۸۵ ، کھویا ہوا آدمی ، ۲۵۹) ۔

مگر ایسا کچھ لکھو کہ آنکھوں کی نگرانی اور دل کی پریشانی دور ہو ۔

(۱۸۶۹ ، غالب ، خطوط ، ۲۱۹) ۔

منی آرڈر اور خط پہنچا ، نگرانی اور پریشانی رفع ہوئی ۔

(۱۸۸۸ ، مکتوبات حالی ، ۲ : ۱۱۱) ۔

فیصلہ کے خلاف ہم ہائی کورٹ گئے وہاں نگرانی داخل کی ۔

(۱۹۵۷ ، ناقابل فراموش ، ۱۰۷) .

نگرانی کی پختہ پیشی مقرر ہوگئی اور بعد سماعت فیصلہ سائل کے حق میں ہوگیا ۔

(۱۹۷۱ ، تحدیث نعمت ، ۱۷۰) ۔