بزرگوں کا کام معاف کرنا ہے

( ۱۹۳۶ ، گرداب حیات ، ۱۰ )

دمنہ بزرگ منش . . . تھا.

( ۱۸۳۸ ، بستان حکمت ، ۶۴ )

میں . . . جناب ملا محمد باقر اصفہانی سے ملا . . . نہایت بزرگ خصلت آدمی ہیں.

( ۱۹۱۲ ، روزنامچۂ سیاحت ، ۷۹ )

ایک بزرگ نے کہا کہ سب سے بہتر یہ دوا ہے کہ محتاجوں کو کچھ خیرات کرو.

( ۱۸۰۲ ، باغ و بہار ، ۱۴۵ )

بڑھیا مفتی صاحب کو بزرگ نمازی پرہیز گار سمجھ کر فرزانہ کے نکاح کا معاملہ ان کے سپرد کردیتی ہے.

( ۱۹۲۹ ، تمغۂ شیطانی ، ۸۳ )

لڑکے کو گھوڑے پو چڑھاتے دیسی اور انگریزی باجا بجاتے کسی بزرگ مقام پر لے جاتے ہیں

( ۱۹۰۵ ، رسوم دہلی ، سید احمد ۷۳ ).

راوی کا بیان ہے کہ طفیل بزرگ شکم آدمی تھے.

( ۱۹۰۶ ، الحقوق و الفرائض ، ۳ : ۱۶۶ )

وہی پیران کہن سال اپنے ملک کی خدمات بزرگ بجا لائے ہیں جنہوں نے جوانوں کی ہمت افزائی کی ہے.

( ۱۹۰۷ ، کرزن نامہ ، ۶ )

آپ سمجھ گئے ہونگے کہ یہ بزرگ کون ہیں.

( ۱۹۲۸ ، خطوط محمد علی ، ۱۸۸ )

بارہ مقامات کے نام یہ ہیں اول راست دوسرا اصفہاں . . . پانچواں بزرگ.

( ۱۸۴۵ ، مطلع العلوم (ترجمہ) ، ۳۴۳ )

بزرگ کا پہلا شعبہ ہمایوں ہے اور دوسرا نہفت.

( ۱۹۱۶ ، ہندوستان کی موسیقی ، شرر ، ۱۵ )

بزرگ کہہ گئے ہیں کہ جو کئی ہر ایک سے آشنا ہو تو اس کی آشنائی کوں اعتبار نہیں ہے.

( ۱۸۴۶ ، قصۂ مہر افروز و دلبر ، ۱۲۵ )