آپ ان کے خاندان کا حال جو کچھ لکھ سکیں اس کی نقل کرا کر میرے پاس بھیجدیں .

( ۱۸۸۰ ، مکاتیب حالی ، ۱۰ )

وہ ایک خاص ایک خاندان میں خاص ملک میں ، خاص زمانے میں پیدا ہوتا .

( ۱۹۰۶، الحقوق و الفرائض ، ۱ : ۲۲ )

ایک شخص یہ گانا تمایا خاندان کی تعریف میں گا رہا تھا .

( ۱۹۸۳، جاپانی لوک کتھائیں ، ۸۳ )

الف خان نے دوپہر کا کھانا سیلا اور دیو خاندان کے ساتھ امپیریل ہوٹل میں کھایا .

( ۱۹۷۸، رقص ناتمام ، ۵۳ )

مشابہ اجناس کے مجموعے کو خاندان کہتے ہیں .

( ۱۹۶۷، بنیادی خرد حیاتیات ، ۱۳۰ )

صوفی ہونے کی حیثیت سے کئی خاندانوں میں بیعت ہے .

( ۱۹۲۳، احیا ملت ، ۵۴ )

جورا کے خاندان سے تعلق رکھنے والے پودوں کے تنوں، پتوں میں پھول نکلنے سے پہلے زہریلے مادے بالعموم پائے جاتے ہیں .

( ۱۹۶۶، چارے ، ۱۴۵ )

ہند یورپی خاندان سب سے بڑا ہے یورپ اور ایشیا کی اکثر بڑی اور اہم زبانیں اس میں شامل ہیں .

( ۱۹۵۶، اردو زبان کا ارتقا ، ۱۶ )