سے  

دادا نے مُجھے گلے لگا کہا ، اے پیغمبرانِ خدا دیکھو کہ ... اُمَّت نے میرے بچّوں سے کیا کیا .

(۱۷۳۲ ، کربل کتھا ، ۲۶۳)

میں ان کی مثال اس شخص سے دے سکتا ہوں جو ایک بہت بڑے مضبوط جانور کو کھلاتا اور اس کا مزاج اور خواہشات کا مطالعہ کرتا ہے .

(۱۹۳۲ ، ریاست (ترجمہ) ، ۳۶۶)

دو چار گھڑی رات رہے دیوار سے کُود کر چلا گیا .

(۱۸۶۲ ، خطوطِ غالب ، ۷۳)

حرف ”سے“ بطور علامتِ مفعول بھی آتا ہے .

(۱۹۷۳ ، جامع القواعد (حصۂ) ، ۱۳۵)

اس سے یہ ہڑک بہتوں کو نہیں اُبھرنے پائی .

(۱۸۹۹ ، رویائے صادقہ ، ۴۱)

انصاف واجبی کرتا ستم گاروں سے نہ ہوئے تو .

(۱۸۰۱ ، ہفت گُلشن ، ۶۲)

متقدمین سے صِرف فرشتہ مورخ نے قِصّہ کو اپنی مشہور فارسی تاریخ میں درج کیا ہے .

(۱۹۳۹ ، افسانۂ پدمنی ، ۳)

جب میاں کپڑے پہن چکے تو آئینہ وغیرہ سب جگہ سے رکھوا دیا کہ وقت پر تلاش نہ کرنی پڑے .

(۱۹۲۳ ، اہل محلہ اور نااہل پڑوس ، ۸)

اُس بے گناہ ملول لڑکے کی ہلاکت سے مُجھے مرنا قبول ہے .

(۱۹۳۰ ، اُردو گلستان ، ۵۵)

چنانچہ تجربوں سے ثابت ہوتا ہے کہ تمام اجزائے ارض ایک میلان آپس میں رکھتے ہیں .

(۱۸۴۲ ، رسالہ ہیئت ، ۲۳۲)

اس مسئلہ کا حل کرنا نہایت دُشوار تھا ، کہ یہ دونوں کِس سے پیدا ہیں .

(۱۹۵۶ ، بیگماتِ اودھ ، ۱۰۴)

ملائک اون کوں تکلیف بہشت کی کریں اور وہ قبول نہ کر کہیں ہم مصاحبت و مجالستِ حسین کوں بہشت سے نہیں بینچتے.

(۱۷۳۲ ، کربل کتھا ، ۵۳)