دِکھانا  

حسن و عشق کی خیالی تصویریں آنکھوں سے دِکھاؤں.

( ۱۹۲۸، مرقع ء لیلی مجنوں ، ۱).

ایریو نے ڈانٹتے ہوئے کہا ” کوئی بڑا اور مضبوط کنگھا دِکھاؤ“ .

( ۱۹۶۲، آفت کا ٹکڑا ، ۴۵ ).

میرا ارادہ ہے کہ ... گزشتہ پندرہ بیس برس کی حالت دِکھاؤں.

( ۱۹۴۷، فرحت، مضامین ،۳ : ۵ ).

بڑے بڑے یورپین مصنفین ... کے اقوال نقل کرکے ان پر تنقید کی ہے اور ان کی غلطیاں دِکھائی ہیں.

(۱۹۳۱، مقدماتِ عبدالحق ، ۱ : ۱۰ ).

(محمد نبی خان معجز نے) فارسی کلام نظم سید منصور علی مرحوم کو اور اردو داغ دہلوی کو دِکھایا.

( ۱۹۲۹، تذکرۂ کاملانِ رام پور، ۳۷۷ ).

یہ تو کہوں وہ بچّا بھاگ گئے ، نہیں تو اس وقت دِکھادیتی.

( ۱۸۸۸، طلسم ہوشربا ، (انتخاب) ، ۳ : ۳۶۷).

بعض صوبہ داری حکومتوں نے جدّت دکھا کر پشتوں کے بارے میں خاص عہدہ داروں کا تقرر کیا ہے.

( ۱۹۴۰ ، معاشیاتِ ہند (ترجمہ) ، ۱: ۳۵۰).

اے مہتا ، تو کیو لاپروائی دِکھاتا ہے اگر وہاں یہاں سے کچھ دور تو نہیں .

( ۱۹۲۶، حکایاتِ پنجاب (ترجمہ) ، ۱ : ۲۴۰).

ساتھ ہی وہ یہ بھی دکھانا چاہتا تھا کہ وہ ایک ایماندار انصاف پسند بادشاہ ہے.

( ۱۹۷۹ ، کلیاں ، ۳۳) .

یہ کہہ کر لڑکی اٹھ کھڑی ہوئی ، مجھے ذرا وہ پستول تو دِکھانا.

( ۱۹۵۵ ، منٹو ، سرکنڈوں کے پیچھے ، ۱۳۳).

مجھے اتنی بھی تمیز نہیں ... کہ یہ خلا ملا رغبت سے ہے یا دِکھانے کے لیے .

( ۱۸۹۳ ، نشتر ، ۹۴).

جب وہ نماز کے لیے کھڑے ہوتے ہیں تو سُستی اور کاہلی سے کھڑے ہوتے ہیں ، لوگوں کو اپنی نماز دِکھاتے ہیں.

( ۱۹۱۲ ، تحقیق الجہاد (مقدمہ) ، ۱۱۱).

ابے اپس کوں دیکھے دِکھلاوے ، آپے اپستے اپس کوں چھپاوے .

( ۱۶۳۵ ، سب رس ، ۴ ).

بد نصیب دیکھ لیا دِکھا لیا بس اب چلتی پِھرتی نظر آ.

( ۱۸۹۹ ، ہیرے کی گئی ، ۲۲).

کہنا اسے دن بھر دھوپ دکھائیں اور پھر کسی پیشی میں پھینک دیں.

( ۱۹۸۰ ، نیلا پتھر ، ۲۹).