اگر کسی وجہ سےکچھ مقروض ہو جاتا تھا تو میری ناواقفی میں دائن کو ادا کر کے دستاویز پھیر لیتے تھے .

( ۱۸۸۸ ، مکاتیبِ امیر مینائی ، ۳۳۵ ) .

مامون الرشید کے کتب خانے میں ایک دستاویز دیکھی تھی جو عبدالمطلب بن ہاشم ( آنحضرت صلی اللہ علیہ وسلم کے جدِّ امجد ) کے ہات کی لِکھی ہوئی تھی .

( ۱۹۱۱ ، سیرۃ النبی ۱ : ۱۲ ) .

تحقیقی مواد کی وجہ سے پرانے تذکروں میں سنہ و تاریخ کا تعین نہیں ہو پایا تھا اس لئے شعراء کے ذکر میں تقدیم و تاخیر کا مسئلہ پیدا ہوا نئے تذکروں میں ترتیب کی باقاعدگی نے انہیں ایک تاریخی دستاویز کی حیثیت دے دی ہے .

( ۱۹۸۷ ، قومی زبان ، کراچی ، جولائی ، ۶۴ ) .

دستاویز نکال میں روپے گِن دیتا ہوں .

( ۱۸۰۲ ، باغ و بہار ، ۱۳۹ ) .

عرب میں دستاویزوں پر صرف مہینہ لِکھا جاتا تھا ، سنہ لکھنے کا رواج نہ تھا .

( ۱۸۹۹ ، مقالاتِ شروانی ، ۴۳ ) .

جُھوٹی دستاویزیں انہوں نے ( وکیل صاحب ) بنوائیں اور اب یہ بے حیا ... کہتا ہے کہ میں سچ کا ساتھ دیتا ہوں .

( ۱۹۴۷ ، فرحت ، مضامین ، ۳ : ۶۳ ) .

اسلام دنیا کے سارے مذاہب کے بعد آنے والا ایک ایسا ضابطۂ حیات تھا جو انسانی شعور کی مکمل کی ہوئی دستاویز کو پیش کرتا ہے .

( ۱۹۸۳ ، برشِ قلم ، ۱۳۶ ) .

عارضِ وَالضّحیٰ وثیقہ مرا زلفِ والّلیل میری دستاویز

( ۱۹۳۱ ، بہارستان ، ۸۷ ) .

اس کا ( جعفر زٹلی ) کلام شمالی ہند میں لِسانی ارتقا کی پہلی کڑی اور تہذیبی و تاریخی اعتبار سے ایک دستاویز کی حیثیت رکھتا ہے .

( ۱۹۸۲ ، تاریخِ ادبِ اردو ، ۲ ، ۱ : ۹۷ ) .

اپنی انگوٹھی اس کے ہاتھ میں پائی محبت کی دست آویز پر صحت کی علامت نظر آئی .

( ۱۸۶۲ ، شُبستانِ سرور ، ۱۷۹ ) .

الف لیلہ ہماری اجتماعی ذات کا دستاویز ہے .

( ۱۹۸۳ ، علامتوں کا زوال ، ۱۴۸ ) .

روسی سپاہ کی.... پہلی اور جان شکن شکست سے .... یوروپ کے کاروباری لوگوں پر.... جو اثر پڑا اس امر سے معلوم ہوجاوے گا کہ اس خبر.... کے مشتہر ہوتے ہی روسی دستاویزوں کی قیمت بہت ہی گر گئی .

( ۱۸۹۳ ، بست سالہ عہدِ حکومت ، ۳۳) .