شیخ وہ شخص جس کی عمر ساٹھ اور اَسی کے درمیان ہو .

(۱۹۸۱، فن تاریخ گوئی اور اس کی روایت ، ۱۱۶).

خانہ بدوش قوموں کے سرگروہ کو الخان، البیگ، والی، سردار یا شیخ کہتے ہیں.

(۱۸۸۸، حسن، اگست، ۷).

ایسی محبت اور ایسی جاں نثاری کا خیرمقدم میں نے نہ کسی شیخِ قبیلہ کا اس کے قبیلے میں کبھی دیکھا نہ کسی بادشاہ کو اپنی رعایا میں ہوسکتا ہے.

(۱۹۱۹، جویائے حق، ۲: ۲۵).

جس راز کے معلوم کرنے کی تمنا ارسطو ، افلاطون، شیخ بوعلی اور رازی تک اپنے ساتھ قبر میں لے گئے.

(۱۹۳۴، ہمدرد صحت، جولائی، ۱۰۵ٖ).

ایک روز اپنے مرشد پیرِ طریقت کے پاس جاکر گلہ کرنے لگا شیخ یہ بات سن کر رو دیا.

(۱۸۵۵، گلستان، ۲۶۲).

امام سخاوی نے اپنے شیخ کا یہ سراپا تحریر کیا ہے.

(۱۹۶۸، المعارف، اپریل، ۲۶۳).

شیخوں کی ایک اور تعداد نے جن میں مہدی کے لواحقین بھی شامل ہیں سردار کچنر کے پاس آکر اطاعت قبول کرلی ہے .

(۱۸۹۳، بست سالہ عہد حکومت، ۵۴۶).

شیخ، سید، سید صاحب، ... وغیرہ بیسیوں الفاظ نے... اصطلاحی حیثیت حاصل کرلی تھی.

(۱۹۲۲، مقالات ماجد، ۲۳).

برّعظیم میں کسی غیر مسلم خانوادے سے جو لوگ دائرۂ اسلام میں داخل ہوئے ان کے نام کے ساتھ شیخ کا لفظ استعمال کیا جاتا رہا ہے.

(۱۹۷۳، دیوان دل (مقدمہ)، ۹۱).

وہ کہے اے شیخ مگر توں اس شہر میں مسافر ہے.

(۱۷۳۲، کربل کتھا، ۲۵۳).

سالک نے کہا اے شیخ تو بمنزلہ باپ کے ہے.

(۱۸۸۷، فصوص الحکم (ترجمہ)، ۳۵).