ڈالْنا (سک ل) ف م  

بوڈھیا نے قدح پانی کالا ... لوہو سے بھر گیا طوعہ وہ پانی ڈال اور لائی

(۱۷۳۲ ، کربل کتھا ، ۱۱۴)

خُدا نے اِن کے دِلوں پر مہر کردی ہے ، اِن کی آنکھوں پر پردہ ڈال دیا ہے

(۱۹۰۴ ، مقالات، شبلی ، ۱ : ۶۰)

اُلٹا سیدھا پائجامہ ڈال کمربند باندھتا زنان خانے کی طرف بھاگا

(۱۹۲۸ ، پس پردہ ، ۷۶)

جی متلایا ، ڈالا اور بس ایک دو دست آئے

(۱۹۲۴ ، انشائے بشیر ، ۳۰۵)

جہاں ندی نالے میں زور کا پانی جاتا ہو اور پار جانا ہو تو بھینس کو پانی میں ڈالتے ہیں

(۱۸۶۹ ، اُردو کی پہلی کتاب ، محمد حسین آزاد ، ۲ : ۱۵)

اگر اسم جامد کو حال ڈالنا ہو تو اس میں ہ زیادہ کرکے ... اسم صفت بنا لیتے ہیں

(۱۸۸۹ ، جامع القواعد ، آزاد ، ۱۴۴)

ہر مہینے کے خرچ میں سے کچھ نہ کچھ ڈالتی رہیں تو پھر دیکھو کہ کیسی برکت ہوتی ہے

(۱۹۱۱ ، نشاطِ عمر ، ۲۱۳)

کہا کہ اس میں سے پانچ روپے مجھے دے دو اور اپنی گِرہ سے یہپانچ روپے ڈال کر پوری رقم ڈاکٹر صاحب کو کل واپس کر آنا

(۱۹۷۷ ، اقبال کی صحبت ، ۴۲۸)

دُودھ بھی اِس میں ڈال لیجئے

(۱۹۴۴ ، ناشتہ ، ۶)

گھی میں اِلائچی ڈال کر کڑکائیں

(۱۹۸۵ ، سعدیہ کا دستر خوان ، ۱۷۰)

خالہ میری مانو تو تجار میں ڈالو امین کو

(۱۹۷۴ ، آغا ناصر کے سات ڈرامے ، ۵۲)

سلطان چاہتا تو اس کی روزِ اوّل سے ہی کنیز بنا کا ڈال لیتا

(۱۹۳۹ ، افسانۂ پدمنی ، ۱۴۱)

اُردو میں بھی سہل کاری کا خیال رہا کوئی لفظ دشوار کہ جس کا جہاں موقع ہو نہ ڈال سکا

(۱۸۵۷ ، مینا بازار اُردو ، ۱۱)

اس خط کی تاریخ صاحب کے وہاں پہنچنے ک ایک دن پہلے کی ڈالی

(۱۹۵۸ ، خون جگر ہونے تک ، ۱۷۸)

تعلیم کا ایک ایسا دھانچہ ڈال دیتے کہ جب موقع مناسب ملتا ترقی پذیر ہوجاتا

(۱۸۵۰ ، کوائفِ تعلیم دیسی (تَتِمّہ ، ۱۸)

ایک رسی میں لنگر باندھ کے اس مین ڈالا

(۱۸۷۳ ، مطلع العجائب (ترجمہ) ، ۱۸۷)

اپنے تئیں پہاڑ سے ایسا ہی ڈالوں کہ استخواں سے نشان نہ رہے

(۱۷۷۵ ، نوطرزِ مرصع ، تحسین ، ۲۰۶)

جب صدق حاضر ہوا بادشاہ نے کذ٘ کی رپورٹ اوسکو دِکھلائی اور فرمایا کہ تو کُچھ جواب دے سکتا ہے اوس نے عرض کی کہ میں سب کا جواب شافی دے سکوں گا بشرطیکہ آپ عقل کو بُلا کر اوس کے اوپر میرا اور کذب کا انصاف ڈال دیں

(۱۸۶۴ ، جوہرِ عقل ، ۶۴)

صندل کی چوکی رکھ دی گئی ، غلایچے ڈال دیے گئے

(۱۹۶۲ ، حکایاتِ پنجاب (ترجمہ) ، ۱ : ۳۶۵)

باقی ہونا (بیج) پھر گھڑۓ میں ڈال کر طریقِ سابق نمی پہنچاتے ہیں

(۱۹۳۰ ، شفتالو ، ۲۷)

بیج کی مقدار ۔۔۔ ڈالنے سے پیداوار زیادہ ہوتی ہے

(۱۹۷۴ ، زراعت نامہ ، مئی ، ۱۲)

باہر کے نوکر سارے ڈیوڑھی پر جڑے ہوئے اور آدھے آدھے دھڑ اندر ڈالے دیں ، ہر ایک مختلف سوال کرے ، جواب کون دے

(۱۹۲۸ ، پسِ پردہ ، ۷۶)

میرے نام ایک کارڈ ڈال دیں

(۱۹۷۴ ، جنگ ، کراچی ، ۲۸ / جنوری ، ۵)

میں جس روش پر اُس کو ڈالنا چاہتا تھا ڈال لیا

(۱۹۴۴ ، سوانحِ عمری و سفر نامہ (حیدر) ، ۵۳)

اسلحۂ ناری و تلوار وغیرہ دونوں میں سنہری پُھول پتّیاں ڈالی جاتی ہیں

(۱۸۸۹ ، حسن ، ۲ ، ۷ : ۱۱)

جس آدمی کو ایک بیل یا ایک بُوٹی ڈالنی آتی ہے اُسے وہی آتی ہے

(۱۸۶۴ ، نصیحت کا کِرن پُھول ، ۲۱)

تمہاری بے وقوفی ہے کہ دینے اور دے ڈالنے میں فرق نہیں سمجھتے

(۱۹۳۳ ، میر ناصر علی ، مقاماتِ ناصری ، ۴۳۸)

کب سے سوئی میں تاگا ڈال رہی ہوں نہیں پڑتا بڑھاپا بھی کیا بری چیز ہے

(۱۹۶۸ ، مہذب اللغات ، ۵ : ۳۴۳)