جو کوئی آتا اس سوں جھگڑتا ، کُتّا ہو کر لڑ لڑ پڑتا.

(۱۶۳۵ ، سب رس ، ۶۷)

سر پر پیالہ دے مارا اور کہا جاتیں کتّا ہو جا ، سو کتّا ہو جاتا ہے.

(۱۷۴۶ ؟ ، قصۂ مہرافروز و دلبر ، ۱۴۵)

جو کوّا یا چیل اور بچّھو اور سانپ اور باولا کتّا مارے تو مضائقہ نہیں.

(۱۸۴۵ ، احوال الانبیا ، ۱ : ۲۴۵)

کتّا مار عملہ سال پیچھے کبھی نظر آ جاتا.

(۱۹۸۷ ، اردو ڈائجسٹ ، لاہور ، اپریل ، ۳۱۲)

آج یہ خدا کو بھولی ہے ، اتنا بھی نہیں جانتی کہ خاقان کون کتّا اور کس کھیت کی مولی ہے.

(۱۹۰۷ ، سفید خون ، ۴۸)

فرمایا کہ اے کتّے پہلے تو نے دادا کو قتل کیا اس کی سزا میں تو مقتول کا غلام بنایا گیا.

(۱۹۳۹ ، حکایاتِ رومی ، ۱ : ۱۲۶)

گھڑی میں اوپر جو پیتل کا ٹکڑا لگا ہے اس کو کتّا کہتے ہیں.

(؟ ، رسالہ معین گھڑی سازی ، ۱۷)

اس کے اندر بھی دو دانت ہوتے ہیں جن میں کتّے آ کر پھنستے ہیں.

(۱۹۷۰ ، دھات کاری ، ۷۸)