مَعرُوف (فت م ، سک ع ، و مع) صف  

تانبے کے سکے مسکوک کئے اور ہر ایک سکے کو ایک نام سے معروف کیا ۔

(۱۸۹۷ ، تاریخ ہندوستان ، ۶ : ۱۹) ۔

کانٹ اور اس کی مشہور و معروف کتاب ’’ تنقید عقل محض‘‘کو ۔۔۔۔۔ اہل نظر خوب جانتے ہیں ۔

(۱۹۴۱ ، تنقید عقل محض ، ۱) ۔

قاضی صاحب ایک ذمّے دار ادیب کہلاتے ہیں ، میں انھیں نہیں جانتا مگر ان کی ادب دوستی معروف ہے ۔

(۱۹۸۴ ، وفا کر چلے ، ۷۷۵) ۔

وہ ہر شعبے میں معروف بھی رہے اور ممتاز بھی ۔

(۱۹۹۶ ، قومی زبان ، کراچی ، جنوری ، ۲۸) ۔

اِنرجی کئی صورتیں اختیار کرتی ہے ، مجہول سے معروف ہو جاتی ہے ۔

(۱۹۱۰ ، ادیب ، نومبر ، ۲۱۰) ۔

تشبیہہ ، توضیح مطالب کا ذریعہ ہے ، تشریح معنی کا وسیلہ ہے ، معروف سے مجہول کی طرف جانے کا راستہ ہے ۔

(۱۹۸۹ ، مقالاتِ عابد ، ۱۰۳) ۔

پہلی ی معروف چنانچہ پیر ، طبیب ، عید ۔

(۱۸۵۵ ، تعلیم الصبیان ، ۲۲) ۔

اعراب تو لگائے ہی نہیں جاتے اور لگائے بھی جائیں تو معروف اور مجہول کی پہچان آسان نہ ہوگی ۔

(۱۹۵۷ ، اُردو رسم خط اور طباعت ، ۲۷) ۔

الف معروف لالی (صوتی) مآب ، مآل ۔

(۱۹۶۸ ، اردونامہ ، کراچی ، جنوری ، ۱۱۵)۔

تلفظ میں معروف و مجہول کا فرق رہتا ہے۔

(۱۹۹۵ ، نگار ،کراچی، اگست ، ۱۰) ۔

قوی کو ضعیف سے ، معروف کو منکر سے اور ثابت کو موضوع سے جدا کیا جائے ۔

(۱۸۷۵ ، کلیاتِ نثر حالی ، ۱ : ۱۲۰) ۔

اے رسولؐ درگزر کرنے کا طریقہ اختیار کیجیئے ، معروف کی تلقین کرتے رہیں اور جاہلوں سے نہ اُلجھیئے ۔

(۱۹۹۳ ، اردونامہ ، لاہور ، مئی ، ۱۰) ۔