توں صاحب ملک توں صاحب مملکت ۔

(۱۶۳۵ ، سب رس ، ۵۷) ۔

جس روز سے اس مملکت میں تشریف لائے بڑے بڑے کام سرانجام پائے ۔

(۱۸۰۳ ، گنج خوبی ، ۳) ۔

چونسٹھ برس سات مہینے تلک مملکت کو آباد رکھا ۔

(۱۸۰۵ ، آرائش محفل ، افسوس ، ۲۹۸) ۔

ماہی گیر نے کہا مملکت پارس کا بادشاہ جذام کے عارضہ میں مبتلا تھا ۔

(۱۸۶۲ ، شبستان سرور ، ۱ : ۲۷) ۔

رعایا باہم اکتساب معیشت و سکونت مملکت و حالت اطاعت میں شریک ہیں ۔

(۱۸۸۵ ، تہذیب الخصائل ، ۲ : ۵۵) ۔

وزیر ۔۔۔۔۔ نے مشورہ دیا کہ اتنی بڑی سلطنت رفیعہ و مملکت جلیلہ کا چھوڑ کر جانا ۔۔۔۔۔ عقل دوربیں کے خلاف ہے ۔

(۱۹۰۱ ، الف لیلہ ، سرشار ، ۲) ۔

حضرت ابراہیم ادہمؒ نے دس برس تک کامیابی کے ساتھ مملکت کا نظم و نسق چلایا ۔

(۱۹۹۴ ، صحیفہ ، لاہور ، جولائی ، ستمبر ، ۱۵) ۔