قادر ہو تو معاف کردے وعدہ کرے تو وفا کرے ۔

(۱۹۰۶ ، الحقوق والفرائض ، ۱ : ۳۵) ۔

حسن اور وفا ایک جگہ جمع نہیں ہوسکتے ہیں ۔

(۱۹۹۸ ، قومی زبان ، کراچی ، فروری ، ۱۳۳) ۔

اور اس طرح اپنی زندگی کا ہر ہر لمحہ زرِ سُرخ سے پُر کرنے کی آرزو مند ہو تو سلیم قارون کا خزانہ بھی وفا نہیں کرسکتا ۔

(۱۹۲۲ ، انارکلی ، ۶۹) ۔

چاہتا تھا کہ حمیرہ کو سینہ سے لگالے مگر ہاتھ نے وفا نہ کی ۔

(۱۹۳۳ ، خدائی راج ، ۶) ۔

میرا بھی ایک ایسا دوست ہے جس نے وطن سے وفا کا عہد پورا کر دکھایا اور آزادی کی خاطر اپنی زندگی کے بیشتر قیمتی سال کڑی آزمائشوں میں گزار دیے ۔

(۲۰۰۴ ، روح کے زخم ، ۴۰) ۔

وصیت نہیں درست ہے اگر موصی صبی ہو یا مکاتب ہو ، اگرچہ مال بقدر وفا چھوڑ جاوے ۔

(۱۸۶۷ ، نورالہدایہ ، ۴ : ۱۲۵) ۔

۶۔ (ہیئت) اس وقت کو کہتے ہیں جبکہ جاڑے کا خوف دور ہو جاتا ہے ؛ عرصہ.

(ماخوذ : عجائب المخلوقات (ترجمہ) ، ۸۰) ۔

عمروں کو وفا نہ زمانہ کو قیام ، روز روز صبح اور روز روز شام ۔

(۱۹۰۸ ، صبح زندگی ، ۴۳) ۔