ہفتہ سات دن کا عرصہ جمعہ کے بعد کا دن جسے شنبہ کہتے ہیں ۔

(۱۹۲۱ ، وضع اصطلاحات ، ۱۶۱) ۔

تمھارے انٹرویو کے لیے یہ ضروری ہے کہ میں ایک ہفتہ تمہارے ساتھ رہوں ۔

(۱۹۷۰ ، قصے تیرے فسانے میرے ، ۸۰) ۔

اسکول میں پڑھائی کا ہفتہ پیر سے سنیچر تک چھ دن کا ہوتا تھا ۔

(۲۰۰۵ ، جوئندہ یابندہ (ترجمہ) ، ۷۰) ۔

ہفتہ کے روز جنون کے واسطے مفید ہے ۔

(۱۸۴۴ ، مفیدالاجسام ، ۵۸) ۔

بہ ہزار خرابی ہفتہ کو اسپتال سے چھٹکارا حاصل کر کے شام کو گھر آئی ۔

(۱۹۵۱ ، زیرلب ، ۱۹۰) ۔

بروز ہفتہ شام ساڑھے پانچ بجے اس کی کرنل بخشی سے شادی ہوگئی ۔

(۲۰۰۶ ، چار جدید مصور ، ۶۳) ۔

ہفتہ ، جب حریف نیچے ہو تو ۔۔۔۔۔ اپنا داہنا پیر کھڑا رکھے اور زور کر کے بائیں طرف کو چت کر دے ۔

(۱۹۰۷ ، رموز فن کشتی ، ۹۰) ۔

ہفتہ ۔۔۔۔۔ پہلوانوں کی ایک گرفت ، جس میں حریف کی بغلوں سے دونوں ہاتھ نکال کر گردن جکڑلیتے ہیں ۔

(۱۹۲۱ ، وضع اصطلاحات ، ۱۶۱) ۔

طاقت آزمائی کے بعد دانوں پیچ شروع ہوئے اور اک دستی ، دو دستی ۔۔۔۔۔ ہفتہ ۔۔۔۔۔ قفلی ہوتے ہوتے شہزادے نے رخشاں کی کمربند زنجیر میں ہاتھ ڈال ایک ہی قوت میں سر سے بلند کیا ۔

(۱۹۴۳ ، دلی کی چند عجیب ہستیاں ، ۵۸) ۔

ایسے کئی ہندوستانی ، ایرانی اور ترکی شاعر ہیں جنھوں نے پانچ پانچ سات سات ایسے قصے نظم کیے ہیں ، یہیں سے خمسے اور ہفتے کی بنیاد پڑی ۔

(۱۹۳۵ ، خطبات گارساں دتاسی (ترجمہ) ، ۱۴۷) ۔

اسی سرمائے میں سے قریب کے تھانے میں پولیس کو ہفتہ بھی دیا جاتا ہے ۔

(۱۹۹۲ ، دیواروں کے بیچ (ندا فاضلی) ، ۱۳۴) ۔