۱۔ منسوب پہ ہفت یعنی سات سے نسبت رکھنے والا ، سات دن ، ساتواں دن ، سات دن کی مدت ۔
کرتوں اول ہفتہ سفر
آیگا سلامت گھر مینے
(۱۶۳۵ ، تحفۃ المومنین ، ۳۹) ۔
دوجا دن مہینے تلک کا جو ہو
تیجا دن جیسے ہفتہ ہو ہوبہو
(۱۷۶۹ ، آخرگشت ، ۴۴) ۔
آئے نہ ایک ہفتہ میں دو دن بلا سے وہ
صحبت نہ ہووے ترک مگر پانچ روز کی
(۱۸۵۶ ، کلیات ظفر ، ۴ : ۱۴۶) ۔
ہفتہ سات دن کا عرصہ جمعہ کے بعد کا دن جسے شنبہ کہتے ہیں ۔
(۱۹۲۱ ، وضع اصطلاحات ، ۱۶۱) ۔
تمھارے انٹرویو کے لیے یہ ضروری ہے کہ میں ایک ہفتہ تمہارے ساتھ رہوں ۔
(۱۹۷۰ ، قصے تیرے فسانے میرے ، ۸۰) ۔
اسکول میں پڑھائی کا ہفتہ پیر سے سنیچر تک چھ دن کا ہوتا تھا ۔
(۲۰۰۵ ، جوئندہ یابندہ (ترجمہ) ، ۷۰) ۔
۲۔ سنیچر ، شنبہ ، یوم السبت ، جمعے کے بعد کا اور اتوار سے پہلے کا دن ۔
طفلی میں بھی شادی متوحش رہی ہم سے
چٹھی نہ ملی جمعہ کو بھی ہفتہ کے غم سے
(۱۸۴۶ ، آتش ، ک ، ۱۸۱)
ہفتہ کے روز جنون کے واسطے مفید ہے ۔
(۱۸۴۴ ، مفیدالاجسام ، ۵۸) ۔
بہ ہزار خرابی ہفتہ کو اسپتال سے چھٹکارا حاصل کر کے شام کو گھر آئی ۔
(۱۹۵۱ ، زیرلب ، ۱۹۰) ۔
بروز ہفتہ شام ساڑھے پانچ بجے اس کی کرنل بخشی سے شادی ہوگئی ۔
(۲۰۰۶ ، چار جدید مصور ، ۶۳) ۔
۳۔ (کشتی) پہلوانوں کا ایک دانو جس میں بغلوں سے دونوں ہاتھ نکال کر گردن جکڑلیتے ہیں ۔
ہفتہ ، جب حریف نیچے ہو تو ۔۔۔۔۔ اپنا داہنا پیر کھڑا رکھے اور زور کر کے بائیں طرف کو چت کر دے ۔
(۱۹۰۷ ، رموز فن کشتی ، ۹۰) ۔
ہفتہ ۔۔۔۔۔ پہلوانوں کی ایک گرفت ، جس میں حریف کی بغلوں سے دونوں ہاتھ نکال کر گردن جکڑلیتے ہیں ۔
(۱۹۲۱ ، وضع اصطلاحات ، ۱۶۱) ۔
طاقت آزمائی کے بعد دانوں پیچ شروع ہوئے اور اک دستی ، دو دستی ۔۔۔۔۔ ہفتہ ۔۔۔۔۔ قفلی ہوتے ہوتے شہزادے نے رخشاں کی کمربند زنجیر میں ہاتھ ڈال ایک ہی قوت میں سر سے بلند کیا ۔
(۱۹۴۳ ، دلی کی چند عجیب ہستیاں ، ۵۸) ۔
۴۔ ایک قدیم صنف سخن جس میں سات قصے نظم کیے جاتے تھے اور یہ مثنوی کے انداز پر ہوتی تھی ۔
ایسے کئی ہندوستانی ، ایرانی اور ترکی شاعر ہیں جنھوں نے پانچ پانچ سات سات ایسے قصے نظم کیے ہیں ، یہیں سے خمسے اور ہفتے کی بنیاد پڑی ۔
(۱۹۳۵ ، خطبات گارساں دتاسی (ترجمہ) ، ۱۴۷) ۔
۵۔ ہر ہفتے دی جانے والی رشوت ، بھتہ (خصوصاً دینا لینا کے ساتھ مستعمل) ۔
اسی سرمائے میں سے قریب کے تھانے میں پولیس کو ہفتہ بھی دیا جاتا ہے ۔
(۱۹۹۲ ، دیواروں کے بیچ (ندا فاضلی) ، ۱۳۴) ۔
۶۔ تھکا ماندہ
(فرہنگ عامرہ) ۔
[ ہفت (رک) + ہ ، لاحقہء نسبت ]
اہم اطلاع
اردو لغت بائیس ہزار صفحوں پر مشتمل ، دو لاکھ چونسٹھ ہزار الفاظ کا ذخیرہ ہے . اسے اردو زبان کے جیّد اساتذہ نے 52 سال کی عرق ریزی سے مرتب کیا ہے .
زیر نظر ویب سائٹ انسانی کاوش ہے لہذہ اغلاط کے امکانات سے مبرا نہيں ، آپ سے التماس ہے کہ اغلاط کی نشان دہی میں ہماری معاونت فرمائیں .
نشان دہی کے لیے ہماری ویب سائٹ پر رابطہ کے ان باکس میں اپنی رائے سے آگاہ کریں .