لاٹ صاحب نے جواب دیا وہ مرد ملا ہے اپنے مطالب حکمت کتاب سلطنت اقلیم سے بہتر سمجھتا ہے۔

(۱۸۹۶، سوانحات سلاطین اودھ ، ۱ : ۱۱۸) ۔

لمبی داڑھی والا ملا اور اس کا ایک شاگرد ۔۔۔۔۔ باتیں کرتے ہوئے آرہے تھے ۔

(۱۹۸۹ ، قصے تیرے فسانے میرے ، ۵۵) ۔

وہ نرے ملا ہی نہ تھے بلکہ ادیب و شاعر مورخ و محقق بھی تھے ۔

(۱۹۳۱ ، مقدمات عبدالحق ، ۱ : ۲۴۹) ۔

مثنویوں ، ریختی اور لکھنوی غزل کا مطالعہ کرنے پر ملا اور محتسب کے نقطئہ نظر سے قابل گرفت مواد کی کمی نہ ملے گی ۔

(۱۹۹۳ ، افکار ، کراچی ، جنوری ، ۱۳)

میں عالی خاندان تھا اعلیٰ درجہ کا تعلیم یافتہ ، فارسی کا ملا ۔

(۱۹۳۶ ، پریم چند ، خاک پروانہ ، ۶) ۔

کچھ عرصے تک وہ ملا ۔۔۔۔۔ بھی رہا ۔

(۱۹۸۴ ، اردو دائرئہ معارف اسلامیہ ، ۲۰ : ۱۰۲) ۔

آؤ اس بچے کے ساتھ اپنی ساری آرزوئیں کسی دینی ملا کے سپرد کر دیں ۔

(۱۹۲۳ ، مضامین شرر ، ۱ : ۱۷) ۔

باتوں سے زیادہ ایسے لگ رہا تھا کہ وہ ملا اپنے شاگرد کو کوئی سبق دہرا رہا ہے ۔

(۱۹۸۹ ، قصے تیرے فسانے میرے ، ۵۵) ۔

حکیم طبیب ملا سیانے طلب ہوئے ۔

(۱۸۹۰ ، فسانہء دلفریب ، ۳۴) ۔

سرزمین سمالی ۔۔۔۔۔ کے حاکم شیوخ قبائل ہوتے ہیں ’’ درویش ‘‘ یا ’’ ملا ‘‘ ان کا لقب ہے ۔

(۱۹۲۴ ، جغرافیہء عالم (ترجمہ) ، ۲ : ۱۶۸) ۔

بنگلہ دیش کی سگما ہدیٰ نے کہا کہ ملا ، عام غریب ان پڑھ مسلمانوں کے جذبات سے کھیلتے ہیں ۔

(۱۹۸۷ ، آجاؤ افریقہ ، ۱۷۲) ۔

حالات کے لحاظ سے ضروری ہو تو بیچ میں ایک اور درجہ مولوی یا ملا کے نام سے قائم کیا جائے ۔

(۱۹۱۹ ، مقامات شبلی ، ۳ : ۱۶۰) ۔