آگ کی جستجو میں جانا اور پیغمبری لیکر پلٹنا موسیٰ کے وقت سے اس وقت تک تو کبھی دیکھا نہیں گیا.

(۱۹۲۴ء مکتوباتِ نیاز، ۱۴۱)

اس مرہم سے تو پھوڑے میں آگ پڑگئی.

(۱۸۹۱ء امیر اللغات ، ۱۴۹:۱)

اس کے حسن پر نہ جاؤ آگ میں پھک رہی ہے.

(۱۸۹۱ ء، امیر اللغات ، ۱ : ۱۴۹ )

کبابوں نے توزبان سے حلق تک آگ لگادی.

(۱۸۹۱ ء، امیر اللغات ، ۱ : ۱۵۵ )

چاہتے تھے کہ جو جوش اور آگ ان میں ہے وہی دوسروں میں بھی ہو.

(۱۹۲۵ء ، ہمعصر ، ۹۵ )

اب آگ میری کو ک کی کیونکر یہ بجھے گی بے طرح ہے بھڑکی

(۱۸۱۲ء گلِ مغفرت ، ۱۰۱)

غدر میں جو ہزاروں جانیں تلف ہو گئیں یہ آگ میرٹھ سے اٹھی تھی.

(۱۸۹۱ء امیر اللغات ، ۱۴۵:۱)

ابن رشد سے جن لوگوں کو حسد تھا . . . ان لوگوں نے اس آگ کو اور بھڑکایا.

(۱۹۱۴ء شبلی ، مقالات، ۳۷:۵)

یہ آگ کیا بن سر پھڑوائے بجھے گی.

(۱۸۹۵ء فرہنگِ آصفیہ ، ۱۹۴:۱)

خدا معلوم تمیزاً کو سوکن کے بچوں کی ایمی کیا آگ پڑی تھی کہ ہر وقت ان کی بربادی پر کمر بستہ تھی.

(۱۸۹۵ء حیاتِ صالحہ ، ۱۴۸)

آشناؤں کو تو بلاتی ہے اور اپنا رنگ جماتی ہے ، ترے جسم میں آگ بھری ہے.

(۱۹۰۲ ء ، طلسم نو خیز جمشیدی ، ۳ : ۹۸ )