میں نے بادب تمام اور بصدق تام ، فاتحہ پڑھ ، سرہانے طرف بیٹھ مناقب شروع کیا.

(۱۷۳۲ ، کربل کتھا ، ۳۹)

مکہ کی عورتوں نے اس لڑائی میں بڑا حصہ لیا جنگ بدر کے مقتولوں پر مرثیہ پڑھتی تھیں اور لڑائی سے منہ موڑنے والوں پر تبّرا بولتی تھیں.

(۱۹۲۴ ، محمدؐ کی سرکار ، ۸۳)

یہ بی اے پاس کر چکا ہے اور ابھی پڑھ رہا ہے.

(۱۸۹۹ ، رویائے صادقہ ، ۵۴)

میں نے صاحب تاج شوہر کے صفحۂ دل کی تحریر کا کچھ حصہ پڑھ لیا ہے.

(۱۹۲۵ ، مینا بازار ، شرر ، ۱۳)

زیادہ علم عورتوں کو پڑھنا ضرور نہیں.

(۱۸۶۸ ، مرآۃ العروس (دیباچہ) ، ۴۲)

ہوا کے رخ پر ڈھلکنا سرے سے پڑھا ہی نہیں.

(۱۹۲۹ ، ’اودھ پنچ‘ لکھنؤ ، ۱۴ ، ۲۷ : ۳)

کہیں بوڑھے طوطے بھی قرآن پڑھا کرتے ہیں.

(۱۸۸۰ ، فسانۂ آزاد ، ۱ : ۵)

عالموں کو ضرور عطا کیا جائے تاکہ وہ پڑھیں اور وعظ کہہ سکیں.

(۱۹۳۰ ، اردو گلستان ، ۹۶)

استغفار بہت پڑھا کرو.

(۱۹۱۴ ، بہشتی زیور ، ۷ : ۴)