۱. ایک درندے کا نام جو شکل و صورت اور خصوصیات میں بلّی اور کتّے سے مشابہ ہوتا ہے کھوپڑی چھوٹی اور گول ٹان٘گیں پتلی اور لمبی بالوں میں چمک اور چکنا پن مفقود دم باہر کی طرف سرے پر مڑی ہوئی بھورا رن٘گ اور جسم اور دُم پر دھبّے طول تقریباً ساڑھے چار فٹ ، قد ڈھائی فٹ یا کچھ زائد ، جسم کے بال جھبرے رفتار میں تیز ترین جانور ہے ، لاط : Felis gubata.
ہرنیاں بھتر چیتا جیوں
مار بکھیرے کافر تیوں
( ۱۵۰۳ ، نوسرہار ( اردو ادب ، ۶ : ۲ ، ۵۷ ) ).
لانڈ گا چیتے کے جھانپ بھالے گا .
( ۱۶۳۵ ، سب رس ، ۱۳۸ ).
گردن ہنس کیسی (کی سی ) کمر چیتے کیسی (کی سی ) .
( ۱۸۴۵ ، حکایات سخن سنج ، ۱۰۲ ).
دس بیس شیر ، چیتے ، مست جنگلی بھینسے اور ریچھ نمودار ہوتے ہیں .
( ۱۹۲۲ ، نقش فرنگ ، ۱۲۹ ).
رنگ مرغ اصیل کے یہ ہیں ، لاکھا . . . چیتا . . . دوباز . . . سیاہ .
( ۱۸۸۳ ، صید گاہ شوکتی ، ۱۹۱ ).
مرغی کی چربی اور چیتا لکڑی کے نیل ملا کر لیپ کرو . . . جو اند مال کو روکتی ہے .
( ۱۹۴۷ ، جراحیات زہراوی ، ۲۱۶ ).
لقّے ہیں ادھر اپنی کساوٹ کو دکھاتے
چیتے ہیں ادھر سیم بری اپنی جتانے
