جب ضربیں اس قدر جلد جلد پیدا ہوتی کہ فرداً فرداً محسوس نہیں ہو سکتیں تو آواز میں ۔۔۔۔۔ ناہمواری پیدا ہوتی ہے ۔

(۱۹۲۱ ، طبیعیات عملی ، ۱ : ۲۲) ۔

میرے بزرگو! ۔۔۔۔۔ ارکان دولت ناہمواری زمین کا بہانہ ۔۔۔۔۔ پیش کریں ۔

(۱۹۵۱ ، سلہٹ میں اُردو ، ۲۶۴) ۔

راستے کی ناہمواری کے باوجود پہنچتے تھے ۔

(۱۹۸۶ ، دلی والے ، ۲ : ۲۱) ۔

اُس کے تین بیٹے تھے ، جوانی کی مستی کے مارے اپنے پیشے کو چھوڑ کر باپ کے مال پر ہاتھ ڈالتے اور بیکاری و ناہمواری میں اوقات گنواتے ۔

(۱۸۰۲ ، خرد افروز ، ۴۶) ۔

ملکہ کو اپنی بہن سے نہایت محبت تھی اور سیف خان کی ناہمواری اور بیماری سے دونوں بہنوں کی خاطر جمع نہ تھی ۔

(۱۸۹۷ ، تاریخ ہندوستان ، ۶ : ۲۳۱) ۔

اگر طنز نگار صرف کسی ناہمواری کی نشان دہی کرتا اور صرف کسی شخص کی کمزوری پر طعن و تشنیع کرتا ہے تو وہ کبھی کامیاب طنز نگار نہیں بن سکتا ۔

(۲۰۰۰ ، صحیفہ ، لاہور ، اپریل تا جون ، ۵۸) ۔

وہاں ساری بے عنوانیاں درست ہو جائیں گی اور ساری ناہمواریاں برابر ۔

(۱۸۹۴ ، تعلیم الاخلاق ، ۲۰۰) ۔

معاشی و اقتصادی حالات کی ناہمواری نے ان کی ذہنی صلاحیتوں کو زنگ لگا دیا ہے ۔

(۱۹۴۶ ، اردو تنقید کا ارتقا ، ۴۹۹) ۔

مزاحیہ شاعری دراصل ہماری زندگی کی ناہمواریوں ۔۔۔۔۔ براہ راست بے نقاب کرتی ہے ۔

(۱۹۹۳ ، قومی زبان ، کراچی ، اپریل ، ۲۵) ۔

کسی شاعر کے کلام میں ناہمواری کے معنی یہ ہیں کہ اس کے ہاں نہایت بلند پایہ اور نہایت پست اشعار دوش بدوش جگہ پا گئے ہیں ۔

(۱۹۸۵ ، کشاف تنقیدی اصطلاحات ، ۱۹۴) ۔

جب ایران میں عربی خط (نسخ) رائج ہوا تو اس کی ناہمواری اہل ایران کی نفیس اور حسن پرست طبیعت پر بار ہوئی ۔

(۱۹۷۸ ، لکھنؤ کی شاعری ، ۷۷) ۔