کوئی استاد ہے کوئی شاگرد کوئی آمر ہے کوئی مامور۔

( ۱۸۹۶ ، لکچروں کا مجموعہ ، نذیر احمد ، ۲ : ۷۱ )

اے عزرائیل آگے آ اور جس کام پر کہ مامور ہوا ہے عمل میں لا۔

( ۱۷۳۲ ، کربل کتھا ، ۶۹ )

ایک شفا خانہ شیراز میں بنوایا اور بڑے بڑے حاذق طبیب اس پر مامور کیے۔

(۱۸۸۶ ، حیات سعدی ، ۳۸ )

صفوان بن اُمیّہ ۔۔۔۔ نے عمیر بن وہب کو انعام کے وعدہ پر آنحضرت صلی اللہ علیہ وسلم کے قتل پر مامور کیا تھا.

( ۱۹۱۴، سیرۃ النبی ؐ ، ۲ : ۳۶۱ )

فیض ان کی تعبیریں پاکستان کی عملی زندگی میں جلوہ گر دیکھنا چاہتے تھے مگر ان کے حریف ان خوابوں کے قتل پر مامور تھے۔

(۱۹۸۸ ، شاعری اور سیاست ، ۷۵ )

آپؐ نے نام پوچھا عرض کی کعب فرمایا تم ہی ہو جس نے مجھے مامور ( آسیب زدہ ) کہا تھا ، جواب دیا میں نے مامون کہا تھا نہ کہ مامور ۔

( ۱۹۵۶ ، فاران ، کراچی ، جنوری ، ۲۸۱ )