گوجروں نے اسے (اُجورہ دار کو) لوٹ لیا ، روپیہ کمّل سب لے لیا ، خط اس دار و گیر میں گر پڑا .

(۱۸۶۹ ، غالب ، مکاتیب ، ۷)

فوجی خدمت سے کنارہ کشی اختیار کرنا ، دار و گیر کا مستوجب ہونے لگتا .

(۱۹۴۵ ، جدید قانون بین الممالک کا آغاز ، ۶۹)

حضرات امامیہ نے بھی دار و گیرِ اہلِ سُنّت سے نہ بچایا تب اسکو چھوڑا .

(۱۸۷۰ ، آیات بینات ، ۱ ، ۱ ، : ۶۳)

انہوں نے نہایت مبالغے سے کام لیا اور عیسائیوں پر سخت دار و گیر کی .

(۱۹۴۰ ، مقالات شبلی ، ۱ : ۱۴۶)

بابیوں میں پھر سے زندگی کے آثار نمودار ہو گئے اور حکومت کی دار و گیر بھی بڑھ گئی .

(۱۹۶۷ ، اردو دائرۂ معارفِ اسلامیہ ، ۳ : ۸۳۱)

تمام دن آتشِ جنگ مُشتعل رہی ، اس دار و گیر میں خواجہ ابو الحسن و راجہ بکرما جیت سے تردداتِ نمایاں ظہور میں آئے .

(۱۸۹۷ ، تاریخ ہندوستان ، ۶ : ۱۶۱)

دار و گیر کا زمانہ ہے جگہ جگہ پر جال بچھے ہوئے ہیں کسی پر اعتبار نہیں کیا جاسکتا .

(۱۹۸۰ ، دیوار کے پیچھے ، ۱۴)