اِدھر اُدھر دیکھنے لگا ، دُور سے سوادِ شہر نظر آیا .

(۱۸۰۲، باغ و بہار ،۱۴۳).

تمہاری دلّی ہی کے سواد میں رائے پتھورا کا اب سے دو ہزار برس پہلے کا بنا ہوا محل کھڑا ہے .

(۱۸۸۸، ابن الوقت ، ۳۶۱).

نور افشاں نامی باغ میں جو آگرے کے سواد میں ہے ، نعش کو سونپ دیا تھا .

(۱۹۱۹، واقعات دارالحکومت دہلی ، ۱ : ۲۳۵).

سوادِ شہر شاندار باغات سے پُر ہے .

(۱۹۶۷، اُردو دائرہ معارفِ اسلامیہ ، ۳ : ۸۵۷).

رات ہوتے ہوتے فوجِ اسلام خیبر کے سواد میں پہن٘چ گئی ، عمارتیں نظر آئیں.

(۱۹۱۱ ، سیرۃ النّبیؐ ، ۱ : ۴۴۴).

میں حج کو گیا تھا ، اپنا دیوان حجرِ اسود سے خُوب مَلا تاکہ اس کی برکت سے کلام میں اور سواد روشنائی حاصل ہو.

(۱۸۲۳، انشائے بہار بیخزاں ، ۶۲).

حضرت آپ کو اپنے حال پر متوجہ پا کر اور مائلِ تحقیق جان کر کُل چار سواد میں نے بہ سبیل پارسل روانہ کئے ہیں .

(۱۸۶۶ ، خطوطِ غالب (غالب کی نادر تحریریں ، ۷۱)).

اسی سبب تو فرلے کے حروف پر حشابس سمجھ کے بیلن پھیرتے سواد اور بیاض کا جھگڑا پاک کرتے ہیں .

(۱۹۱۵، حاجی بغلول ، ۱۱۷).

نظرگاہ زہرہ ترے نُور سے سویدائے قلب و سوادِ عیون

(۱۹۶۹، مزمور میر مغنی ، ۱۷۹).

صرف و نحو میں فی الجملہ سواد حاصل کِیا .

(۱۸۴۶، تذکرۂ اہلِ دہلی ،۳۴).