اور حوض اور کرسی اس کی آئینوں کے پیتل سے جو عورتیں ہجوم کرکے جماعت کے خیمے کے دروازے پر لائیں تھیں بنائی ۔

(۱۸۲۲ ، موسیٰ کی توریت مقدس ، ۳۶۸) ۔

ہم نے ان کے کھانے کو یوں بے لطف کر دیا کہ ان پر مینڈک ہجوم کرکے ان کے کھانے کے برتنوں میں ہنڈیوں میں گرنا شروع ہوئے ۔

(۱۹۷۱ ، معارف القرآن ، ۴ : ۴۵) ۔

ہجوم ملتا چوندھرتی پچھیں وو خلوت میں کی مخفی بات کونچے کونچے بازاریں بازار پھرتی ۔

(۱۶۳۵ ، سب رس ، ۶۱) ۔

ایک ہمسایہ برہمن چیل کوؤں کا ہجوم دیکھ کر تاڑ گیا ۔

(۱۸۸۴ ، تذکرئہ غوثیہ ، ۲۸۵) ۔

رخصت کے وقت اسٹیشن پر ہجوم کا یہ حال تھا کہ تل رکھنے کو جگہ نہ تھی ۔

(۱۹۳۵ ، چند ہم عصر ، ۲۰۶) ۔

اگر مشترک ہیجان شدید ہوتا ہے ۔۔۔۔۔ تو مجمع ہجوم بن جاتا ہے ۔

(۱۹۶۹ ، نفسیات کی بنیادیں (ترجمہ) ، ۴۶۵) ۔

ہر انسان خواہشوں ، تمناؤں اور سہانے خوابوں کا ایک ہجوم اپنے ساتھ لیے چلتا ہے ۔

(۲۰۰۶ ، داستاں کہتے کہتے ، ۱۱۷) ۔

شہر بانو تمام رات رو رو کر آنکھوں میں کاٹیں تھیں کہ وقت صبح ہجوم غم و فکر سے آنکھ لگ گئی ۔

(۱۷۳۲ ، کربل کتھا ، ۱۹۵) ۔

کاموں کا اس قدر ہجوم تھا کہ ان کو سر کھجانے کی فرصت نہ تھی ۔

(۱۹۰۵ ، مقالات حالی ، ۲ : ۱۰۰) ۔

اس لئے پیرانہ سالی میں بھی ایک طرف ذاتی صدمات و خانگی مصائب کا ہجوم اور دوسری طرف مشاغل دین و تصوف ۔

(۱۹۲۲ ، مقالات ماجد ، ۲۱) ۔

حوادث و آلام کا یہ ہجوم ان کو اس بات سے روک نہ سکا کہ وہ قرآن کو درخت کے پتوں ، شاخوں ، شانہ کی ہڈیوں ، پالانوں اور چمڑے کے ٹکڑوں پر رقم کریں ۔

(۱۹۶۸ ، علوم الحدیث ( ترجمہ) ، ۳۴) ۔

بارہ بجے تک کام کا اس قدر ہجوم رہا کہ وہ ایک لمحے کے لیے بھی فراغت نہ پاسکا ۔

(۱۹۸۳ ، ساتواں چراغ ، ۲۷) ۔

رسالہ قشیریہ میں تصوف کی مندرجہ ذیل اصطلاحات ملتی ہیں ، وقت ، مقام ۔۔۔۔۔ لوامع ، ہجوم ۔

(۱۹۵۲ ، تاریخ مشائخ چشت ، ۹۷) ۔