عربی لغت اور محاورے کی رو سے ختم کے معنی مہر لگانے ، بند کرنے ... کے ہیں.

(۱۹۸۴ ، اسلامی انسائیکلوپیڈیا ، ۸۳۵)

جیو سوں جیو ، دم سوں دم ، نبوت محمد پر ولایت علیؓ پر ختم.

(۱۶۳۵ ، سب رس ، ۶)

رسول اللہ صلعم نے فرمایا رسالت اور نبوت کا سلسلہ ختم ہو گیا ہے میرے بعد اب نہ کوئی رسول ہے اور نہ نبی.

(۱۹۸۴ ، اسلامی انسائیکلوپیڈیا ، ۸۳۵)

ایک پرہیز گار کی نقل ہے کہ ہر رات کو دس سیر کھاتا تھا اور صبح تک ایک ختم نماز میں کرتا تھا.

(۱۸۴۴ ، ترجمۂ گلستان ، حسن علی ، ۵۲)

کلام اللہ شریف کے ختم میں شرکت فرمائی اور نیاز میں بھی شریک ہوئے.

(۱۹۳۴ ، بہادر شاہ کا روزنامچہ ، ۴)

ختموں اور عرسوں میں اس کی چند آیتیں یا سورتیں مناقب کے ساتھ پڑھی جائیں.

(۱۸۷۹ ، مقالات حالی ، ۱ : ۷۷)

شیرنی اور ختم کا دستور نہیں.

(۱۹۰۸ ، سفرنامۂ ہندوستان ، ۵۶)

دو بجے ختم پڑھا گیا چار بجے برخاست کر کے درگاہ شریف کی زیارت کر کے کوٹھی کو واپس ہوا.

(۱۹۱۴ ، سیر پنجاب ، ۲۱)

درگاہ میں پہلے ختم پڑھا جاتا ہے اور پھر قوالی شروع ہو جاتی ہے.

(۱۹۶۷ ، اجڑا دیار ، ۳۲۹)

قرآن اور ختمات پڑھیں نہ اوپر قبر اور نہ غیر اس کے.

(۱۸۵۱ ، عجائب القصص (ترجمہ) ، ۲ : ۵۰۹)

پیروں نے اسے مرید اور چیلا بنا لیا اور سرور کی مدح میں گیت گاے ، ختم اور درود پڑھا.

(۱۹۶۲ ، حکایات پنجاب (ترجمہ) ، ۱ : ۱۰۱)

قبل ازیں گیارہ نومبر کا دن آتا تھا تو ہر جا منعقد ہوتا تھا جشن ، اوّلین جنگ عظیم یورپی کے ختم کا.

(۱۹۷۳ ، پرواز عقاب ، ۷۷)

اف: پڑھنا ، کرنا ، ہونا.

اردو میں ہمارے ختم الشعراء نے خود عذر کیا ہے کہ اردو میں میرا رنگ پھیکا ہے.

(۱۹۰۳ ، چراغ دہلی ، ۲۹)