یہ اسی قسم کی بے پہچان ہوتی ہے جس طرح زن مرید کے لیے نہیں طے کیا جا سکتا کہ یہ اپنی عورت کے مقابل اتنا بدھو کیوں واقع ہوا ہے ۔

(۱۹۴۰ ، مضامین رموزی ، ۲۷) ۔

عام طور پر مرد ، زن مُرید ہوتے ہیں ، یہ ماں مرید ہے ۔

(۱۹۸۱ ، راجہ گدھ ، ۲۸۶) ۔

ہمارے خواجہ محمد نصیر صاحب رنج کی بیوی زن مرید تھیں ، جن کا نام احمدی خانم تھا - ان کی کوکھ سے ایک لڑکی پیدا ہوئیں جن کا نام ننھی خانم رکھا گیا - جب ننھی خانم بارہیویں برس میں پڑیں تو ان کی ماں نے انہیں حضرت کا مرید کروا دیا ۔

(۱۹۳۳ ، فراق دہلوی ، لال قلعے کی ایک جھلک ، ۳) ۔