یہ اس گناہ ہی کے سبب سے تو مہنگا سماں ہے جب دیکھو کال آتا ہے .

(۱۸۸۰ ، فسانۂ آزاد ، ۲ : ۷۳)

اب وہ سماں نہ رہا مگر اس کے دیکھنے والے موجود ہیں.

(۱۹۱۹ ، جوہرِ قدامت ، ۱۵۳).

اوسط طبقہ اور نِچلا طبقہ نسبتاً بہت مطمئن تھا ، تھوڑا کھاتے تھے اور سُکھی رہتے تھے سستا سماں تھا.

(۱۹۷۰ ، تاثرات ، ۲۹۶) .

اگر برسات کا سماں ہو تو اینٹوں کے میدان میں بانس کے سُبک فریم تیّار ہیں.

(۱۹۴۸ ، اشیائے تعمیر (ترجمہ) ، ۳۶)

یہ موت کے بعد کا سماں ہو گا ، جس کو برزخ کا عالم کہتے ہیں .

(۱۹۳۲ ، سیرۃالنبیؐ ، ۴ : ۶۵۵).

یہ سماں اور یہ تیّاری کروفر کی دیکھ کر عقل ٹھکانے نہیں رہی.

(۱۸۰۲ ، باغ و بہار ، ۸۷).

لِباسوں کی رن٘گ آمیزیاں بالکل کہکشاں کا سماں دِکھاتی ہیں.

(۱۸۹۷ ، تمدّنِ عرب ، ۱۶۴).

مُجھے ان کی روانگی کا منظر دیکھ کر ان کی آمد کا سماں یاد آگیا.

(۱۹۷۷ ، میں نے ڈھاکہ ڈوبتے دیکھا ، ۱۱۶)

جب مینہ برسے تو سماں ہو اور جب مینہ نہ برسے تو کال پڑے .

(۱۸۷۹ ، مقالاتِ حالی ، ۱ : ۹۳) .

حضرت یوسفؑ نے اس کے خواب کی صحیح تعبیر بتائی اور کہا کہ سات برس تک ملک میں سماں رہے گا.

(۱۹۲۸ ، سلیم (وحید الدین) ، افاداتِ سلیم ، ۱۱۷) .

شمع اس فکر سے محفل میں گُھلی جاتی ہے رات بھر کا ہے سماں وقتِ سحر کچھ بھی نہیں

(۱۹۱۵ ، جانِ سخن ، ۸۹) .

اسٹیشن بڑا با رونق تھا اور جب سواری گاڑیوں کی آمد و رفت ہوتی تو اور بھی پُر لُطف سماں ہوتا .

(۱۹۸۲ ، مری زندگی فسانہ ، ۷۲) .

چناپا - کریم بیگ جیی - ابھی اس تعریف کا سماں نہیں .

(۱۹۲۴ ، پنجاب میل ، ۵۷) .