اس کے سامنے چھ راگ چھتّیس راگنیاں آٹھ پہر ... اس کی سیوا میں ہاتھ جوڑے کھڑی رہتی تھیں.

(۱۸۰۳ ، رانی کیتکی ، ۲۲)

اہلِ ہند کے نزدیک راگ چھ ہیں اوّل بھیروں دوسرے مالکوس چھٹے دیپک.

(۱۸۷۳ ، مطلع العجائب (ترجمہ) ، ۲۹۴)

یہ لذّت کہ پراگندہ واقعات دراصل کسی ایک ہی مخفی واقعہ کے مظاہر ہیں اسی طرح کی لذت ہے جو کسی گویے کو پراگندہ آوازوں کے ایک نغمے یا راگ میں مُنتظم کر دینے سے حاصل ہوتی ہے.

(۱۹۲۳ ، سیرۃالنبیؐ ، ۳ : ۱۵۸)

تلسی داس ، سور داس اور میرابائی کی تصانیف میں گیتوں کا ایک بڑا ذخیرہ پایا جاتا ہے اُن کے گِیتوں میں شعریت اور ادبیت بھی ہے. راگ اور راگنیوں میں گائے جاتے ہیں.

(۱۹۸۶ ، اُردو گِیت ، ۵۹)

باغ سے لے کر شہر تائیں دو رستہ کسی تختوں کے اُوپر زمین پر راگ اور ناچ کریں.

(۱۷۴۶ ؟ ، قصَۂ مہر افروز و دلبر ، ۸)

اکثر اوقات راگ کی مجلس میں جانا.

(۱۸۰۱ ، باغ اردو ، ۸۹)

آواز راگ کی سونا ، کھڑا ہو نعرہ مارا اور ان لوگوں کو اس بدعت سے منع کیا.

(۱۷۳۲ ، کربل کتھا ، ۸۱)

میر کا یہ مخصوص راگ وہ نشتر ہے جس کے اثر تک کوئی اور شاعر نہیں پہنچ سکا.

(۱۹۸۰ ، محمد تقی میر ، ۱۰۷)

تمام آوازیں راگ اور تال سے درست نہ تھیں.

(۱۹۲۴ ، خونی راز ، ۵۱)

شہر کو آئین بندی کِیا ، گویے راگ شروع کِیے.

(۱۷۳۲ ، کربل کتھا ، ۲۵۲)

راگ اور ملار گانے کی صدا آتی تھی.

(۱۸۸۲ ، طلسمِ ہوش رُبا ، ۱ : ۸۵۹)

زمین و آسمان کے سچّے مالک ... تو وہ جس کی قُدرت کا راگ فلکِ نیلوفری نے تاروں کو گود میں لیے رات بھر گایا.

(۱۹۱۷ ، طوفانِ ، حیات ، ۴)

وہی قومی ترقی یا تنزَل کا راگ بار بار گایا جائے.

(۱۹۰۴ ، مکاتیب حالی ، ۵۰)

احمق چلا ہے یہاں آزادی کا راگ الاپنے.

(۱۹۳۵ ، دُودھ کی قِیمت ، ۱۰۵)

اُن کی تعریف اور توصیف کا راگ الاپنا شروع کر دیا.

(۱۹۴۳ ، جنّتِ نگاہ ، ۱۷۳)

تم میری جگہ ہوتے تو کوئی اور ہی راگ الاپتے.

(۱۹۵۹ ، وہمی ، ۷۶)

یونس احمد نے ... بے شُمار کہانیاں ترجمہ کر کے بھیجیں لیکن ان میں اکثراعلیٰ پائے کی نہیں تھیں بس آگ ، خُون اور بغاوت کا راگ تھا.

(۱۹۸۴ ، مری زندگی فسانہ ، ۳۹۷)

اف : الاپنا ، گانا .

-

ابھی لشکر تک میں پہنچی نہیں کہ آپ نیا راگ لائے.

(۱۸۸۲ ، طلسم ہوش رُبا ، ۱ : ۲۱)

کسی کو راگ کسی کو دھوکا ، خُدا ایسے دغا باز فقیروں ... سے سب کو بچائے.

(۱۹۰۸ ، صبحِ زندگی ، ۱۷)

عامل عاقل نے صاحبزادی کے کان میں کہا ... میں تمہارا بھید کسی سے نہ کہوں گا ، صاحبزادی راگ میں آگئیں.

(۱۹۳۵ ، اودھ پہنچ ، لکھنؤ ، ۲۰ ، ۸ : ۶)