کلام ربانی حق ہے.

(۱۵۸۲ ، کلمۃ الحقائق ، ۳۰).

جو کوئی یو کلام سنے گا پڑے گا ، ہور فاتحہ نا پڑے گا تو وہ بے خبر خام ہے.

(۱۶۳۵ ، سب رس ، ۱۰).

اور اگر تم شک میں ہو اُس کلام سے جو اُتار ہم نے اپنے بندہ پر تو لے آؤ ایک سورت اس جیسی.

(۱۹۱۷ ، ترجمۂ قرآن ، مولانا محمود الحسن ، ۷)

جس میں دو کلمے یا دو سے زیادہ ہوں اس کو کلام کہتے ہیں.

(۱۸۶۳ ، انشائے بہار بے خزاں ، ۳)

جب دو یا دو سے زیادہ کلمات ترکیب پائیں تو اس کو کلام کہتے ہیں.

(۱۹۰۴ ، مصباح القواعد ، ۱۶۹).

کلام بات دو یا دو سے زیادہ لفظوں کا مجموعہ ہے ، جو مفہوم کے اعتبار سے مکمّل ہو اور جس میں کوئی ایک بات پوری پوری بیان ہو جائے.

(۱۹۸۲ ، اردو قواعد ، ۷).

اساطینِ کلام نے اشاعرہ کے نقش قدم کو چھوڑ کر دوسری راہ اختیار کی.

(۱۹۰۶ ، الکلام ، ۲ : ۶۳).

دراصل ذاتِ الٰہیہ کی نفی و اثبات کا مسئلہ کلام و الٰہیات یا خالصاً مذہبی نقطۂ نظر سے اصول و عقائد کا مسئلہ نہیں.

( ۱۹۲۷ ، اردو دائرۂ معار اسلامیہ ، ۳ : ۱۷۳).

دنیا میں جتنے شاعر استاد مانے گئے ہیں ... ان میں ایک بھی ایسا نہ نکلے گا جس کا تمام کلام اوّل سے آخر تک حسن و لطافت کے اعلیٰ درجہ پر واقع ہوا ہو.

(۱۸۹۳ ، مقدمۂ شعر و شاعری ، ۸۹).

اسے بھی اپنا کلام سنانے کا شوق گدگدتا ہے.

( ۱۹۳۵ ، چند ہم عصر ، ۱۶۹).

ان کا کلام اس کثرت سے نہیں چھپتا جتنا چھپ سکتا ہے.

(۱۹۷۹ ، زخم ہنر ، ۲۰).

لہجے سے الفاظ پر زور ڈالنا جسے انگریزی میں امفیسس کہتے ہیں اس کا تعلق کلام سے کلمے سے نہیں .

(۱۹۳۴ ، منشورات کیفی ، ۵۷).

جدا جدا ہر ایک سیال کو تولنے میں کسی کو کلام نہیں تھا.

(۱۸۳۸ ، ستۂ شمسیہ ، ۳ : ۲۷).

بعض بزرگان اہل سنت و جماعت کو اس کے جواز میں کلام ہے.

(۱۸۷۳ ، مکمل مجموعۂ لیکچرز و اسپیچز ، ۱۲۵).

اصول کی صحت میں کلام نہیں .

(۱۹۱۳ ، مضامین ابوالکلام آزاد ، ۳۵)

اس میں کلام نہیں کہ ادب زندگی کا ترجمان ہوتا ہے .

(۱۹۸۶ ، مقالات عبدالقادر ، ۱۶)

(فائدہ) کلام کو بعض نے مونث لکھا ہے.