خوب ہوا کہ فلاں چیز نہ تھی ورنہ نتیجہ بُرا ہوتا (کہتے ہیں ایک دہقان شاہجہاں بادشاہ کے پاس بیل کا پھل لے جانا چاہتا تھا جو بہت سخت ہوتا ہے مگر پھر اس نے آم بھیجے اور وہ بھی چوس کر تا کہ کھٹے آم الگ ہو جائیں. بادشاہ کو اس بات پر تاؤ آ گیا، حکم ہوا کہ آم لانے والوں کو انہیں آموں سے مارا جائے، دربار والوں نے آم لانے والوں پر آموں کی بارش کر دی، چناچہ دہقان نے یہ فقرہ کہا یعنی اگر آموں کے بجائے بیل لاتے تو اس وقت کئی کے سر پھوٹ جاتے).
خوب شد کہ بیل نبود.
( ۱۸۰۰ ، خزینۃ الامثال ، ۸۳ )
آخر ہتنی کو باندھتا کہاں، کھلاتا کہاں سے اور بیچتا کس کے ہاتھ، غنیمت ہے کہ یہ معاملہ خوب شد بیل نہ شد پر ختم ہو گیا.
(۱۹۴۷، فرحت، مضامین، ۲:۳)
