چرا کر آنکھ ہم سے بھی نہ کیوں عالم گریزاں ہو

ہمارا جسم عریاں کم نہیں شمشیر عریاں سے

بے دلاں سے نہ پھراوو مکھڑا

ہم سے تم آنکھ چرایا نہ کرو

بے دولھا بنے منہ کو چھپاتے ہیں ابھی سے

میں جیتی ہوں اور آنکھ چراتے ہیں ابھی سے

شاید یہ اہتمام ہو اخفاے راز کا

ہمجولیوں سے آنکھ چرائے ہوئے ہو تم

دو گز زمیں سے آنکھ چرائے گا کیا فلک

کچھ میں بھی لے مروں گا کسی دن بخیل سے

پایا جو دشمنوں نے ترے پاس اعتبار

آنکھیں چراتے ہیں مجھے احباب دیکھ کر

بصارت نے کمی کی انحطاط عمر میں اکبر

بصیرت ہے تو آنکھیں مجھ سے اب آنکھیں چراتی ہیں